Burgundy

Fit for a princess

Førre helg var eg på ein vakker
plass, som lokka fram prinsessa i meg.
I høve eit bryllaup var eg og kjærasten
i Volda, der vi budde på Hotel Union Øye,
der også sjølve bryllaupsfesten var.
Og for ein nydeleg plass!
Dei vakre romma og atmosfæren
fekk meg til å føla meg kongeleg.
Dette er henta frå hotellet si nettside:

"I enden av Norangsfjorden, på Øye,
ligger et av Europas mest herskapelige hotell.
Hotel Union Øye har i generasjoner vært
et attraktivt reisemål for kongelige, forfattere og elskere.
Helt siden åpningen i 1891 har hotellet
vært et sted hvor gjester kommer for å nyte stillheten,
roen og det gode liv i storslagne omgivelser.
Hotellet sine 27 rom er alle individuelt dekorert
og møblert med nøye utvalgte antikviteter.
Rommene er også oppkalt etter kjente personer
som har bodd på hotellet gjennom tidene;
Keiser Wilhelm II, Kong Oscar II, Dronning Maud
og Kong Haakon, samt forfatterne Karen Blixen,
Knut Hamsun, Sir Arthur Conan Doyle
og ikke minst komponisten Edvard Grieg."

Festidalen 2015

Festidalen.

Ein bygdefestival i Kvinnherad,

i dei flottaste omgivnadane
du kan tenkja deg,
mellom fjord og fjell i Uskedalen.
Kvart år drar store artistar hit
for å spela konsertar,

i år stod blant andre Jaa9 & OnklP,
Veronica Maggio, Team Me, deLillos,
Emilie Nicolas og Skambankt på scena.
For ei fantastisk oppleving.
Eg er stolt av å vera kvinnhering.

#Festidalen2015 in my <3

One happy Festidalen-deltakar! ;)

(Foto: Lars Martin Teigen).

That striped dress

Denne kjolen kjøpte eg første gongen

eg var i New York, men eg syntest den fortente
å bli med ut på vift i Cannes også.

Fyrstedømmet Monaco

Sidan vi var så nær fyrstedømmet Monaco
då vi var i Cannes tok vi ein føremiddagstur
dit med tog. Det tok ein liten time frå Nice,
viss ikkje eg hugsar heilt feil. Og dette
landet, som er verdas nest minste, var
utruleg fascinerande! Det er litt vanskeleg
å beskriva, men alt her var så forseggjort og
vakkert. Spesielt bygga og fasadane. Og heile
tida høyrte vi motordrønn frå lekre sportsbilar
som suste forbi oss. Sidan 1929 har billøpet
Monaco Grand Prix blitt arrangert her.

Vi hoppa på ein turistbuss
for ein guida tur rundt området, og det var fort
gjort, hehe! Landet er ikkje meir enn to
kvadratkilometer stort.
Her er eit lite bildedryss frå Monaco:

Badedag i Nice

Det fine med den franske rivieraen er at byane
ligg langs kysten som perler på ei snor. Det betyr
at det meste berre er ein togtur unna. Ein av dei
seks dagane vi var på tur tok vi toget til Nice,
og låg ved stranda. Det spesielle med stranda
der er at den ikkje er av sand, men runde steinar!
Sjøen i Middelhavet er så utruleg klar og turkisblå,
at det ikkje er vanskeleg å forstå namnet Côte d'Azur
- den azurblå kysten.

Langs stranda ligg det små anlegg med
solsenger og restaurantar. Det er ganske dyrt
å kjøpa seg ei seng her, opp mot eit par hundre kroner,
men då har du samtidig tilgang til toalett/omkledningsrom
og forfriskingar, og ein parasoll viss sola skulle bli for sterk.
Det var ganske digg med kelnarar
som kom og serverte oss det vi ville ha,
det var skikkeleg luksusliv. Og då vi skulle ha lunsj
var det berre til å bestilla den ved solsenga
eller setja seg bak i restauranten for ein pause frå sola.

Nokon må jobba for at andre skal kunna nyta!