3/24/14

Kalorifattige favorittar Del 1

Sidan i haust har eg gått gjennom ei aldri så lita livsstilsendring.
Eg har gått ned i vekt og fått betre treningsvanar.
I denne prosessen saumfarte eg nettet for å finna
oppskrifter på mat som var sunn og kalorifattig.
Eg tenkte derfor å visa dykk mine favorittar
når det kjem til kalorifattige alternativ til måltid
som kan passa til frukost, lunsj, kvelds og som mellomåltid.

Knekkebrød med cottage cheese og strandaskinke
4 Rugsprø Havre (163 kcal)
4 ss Mager Cottage Cheese (47 kcal)
4 skiver Strandaskinke (67 kcal)
TOTALT: 277 kcal




1 porsjon = Tre pannekaker
TOTALT: 293 kcal




Frukost i krukke
1 dl havregryn (128 kcal)
1 dl Styrk melk (39 kcal)
1 beger Dobbel 0% Vaniljeyoghurt (58 kcal)
20 g/4 ss frosne skogsbær (9 kcal)
Bland alt i eit syltetøyglas, legg skogsbæra på toppen før du
skrur på loket og set det i kjøleskapet natta over.
Frukost-to-go! (Idé og bilde lånt frå Bakekona)
TOTALT: 233 kcal 




Havregraut med eplesyltetøy
Kok opp
2 dl havregryn (256 kcal)
5 dl vatn
Ha på
3 ss Lerum Eple/Pære-syltetøy
utan tilsett sukker (29 kcal)
og
kanel på toppen
TOTALT: 285 kcal



Omelett
2 egg (156 kcal)
piska med 0,5 dl vatn
Ha i
1 tomat, i skiver (10 kcal)
2 skiver kokt skinke, strimla (27 kcal)
5 skiver purreløk (6 kcal)
Steik i panna med 1 ss olje (119 kcal)
TOTALT: 318 kcal



Mellommåltid
Eple (59 kcal)
Q Skyr Melonmani (137 kcal per beger)
Skyr Skogsbærkick med müsli (184 per beger)
Yoplait Dobbel 0 % Mango/fersken/pasjonsfrukt (53 kcal per beger)


Håpar du fann nokre gode tips her! Seinare tenkte eg å legga ut
kalorifattige middagsforslag :)
Er det noko du vil eg skal skriva meir om tar eg gjerne
imot tips i kommentarfeltet!

3/13/14

#fintliv

Den hashtaggen kan eg bruka til omtrent alt eg tar bilde av nett no :) Vi nyt late dagar på Anfi del Mar, Gran Canaria, og har det heilt herleg. Deler nokre bilde under.

Overskya dagar i starten blei brukt til turar og jogging:



Men så kom sola heldigvis!





3/6/14

Bikini time!

Søndag ligg eg etter planen på ei solseng i denne bikinien
og med desse solbrillene på nasen (begge frå H&M).
Ei sydenveke skal bli herleg kjenner eg! Eg veit det - eg er heldig ;)

3/5/14

Pearls like Dior

Dior-inspirerte øyredobbar kjøpt på Ebay for ein slikk og ingenting.
Berre søk på "double pearl earrings" så finn du mange variantar :)





3/3/14

Interiørnytt

Sidan dei tre siste innlegga handla om mat prøver eg her
å gjera opp for det med eit interiørinlegg! ;)
Det har snike seg inn nokre nye element i stova,
som eg tenkte å visa dykk. 

Eg fann ei enkel trehylle i huset til mamma, som eg fekk.
Etter to strøk med matt, svart maling blei den litt meir interessant,
synest du ikkje? Ein treng ikkje alltid kjøpa nytt og dyrt.
Eg synest den gjorde seg på veggen i stova.
"Gullhunden" er ein porselensfigur eg har spraylakka,
bokstavkoppane er frå Design Letters - Arne Jacobsen,
og gullkrukka frå H&M Home.





Elles har H&M Home fått inn ein del pynteting i gull og bronse, som eg sjølvsagt måtte ha ;) Ei blomepotte og matchande telyshaldar, og eit gullfat.






3/1/14

Minikyllingburger med søtpotetfries

Her er eit sunt og kalorifattig alternativ til helgekosen
- små kyllingburgerar med kesambrød og søtpotet-"fries"!
Nam :D

To små burgerar med brød, kyllingburger, tomatskiver, rødløk, salatblad og
ekstra lett rømme ligg på mellom 400 og 450 kaloriar.
Rundt fire søtpotetbåtar ligg på rundt 350 kaloriar,
så desse kan du jo evt. skippa viss du har eit veldig strengt kaloribudsjett.
Uansett veldig mykje mindre enn i vanleg pomfri! ;)



Til retten treng du ingrediensane til hamburgerbrøda (sjå ingrediensane under), éin pakke kyllingkjøttdeig, to-tre søtpoteter, salat, tomat, løk og evt andre ting du vil ha på burgeren.
Start med brøda:

Åtte små rundstykke/hamburgerbrød
110 gram Fibra fullkornskveitemjøl (Møllerens)
90 gram havregryn
1 ss bakepulver
250 gram mager kesam
30 gram lett plantemargarin

Sett omnen på 225 grader. Bruk gjerne kjøkenmaskin til å blanda deigen med,
så går det kjappare. Bland dei tørre ingrediensane. Tilsett smør og kesam, og bland
godt saman på høg hastigheit. Strø litt fullkornsmjøl utover kjøjenbenken, og kna
deigen nokre gonger før du deler den i åtte emne og lagar små bollar.
For å gjera dei ekstra lekre kan du pensla dei med litt egg og strø på
litt havregryn, før du steiker dei midt i omnen i 8-10 minutt til dei er gylne.



Når hamburgerbrøda er ferdige kan du gå over til søtpotet-"fries'ene".
Vask dei godt og skjér dei i båtar. Legg dei på eit steikebrett og
drypp litt olivenolje over før du krydrar dei godt.
Eg brukte kvitløkspulver, chilipulver, kayennepepper,
spisskummin, maldonsalt og grillkrydder, men ta det du likar.
Bak søtpotetene på 225 grader i ca 20 minutt,
eller til dei er møre når du stikk ein gaffel i dei.
Vil du ha dei litt sprø utanpå kan du prøva å setja dei høgare i omnen
og ha på grillelement nokre minutt.






Så lagar du burgerar av kyllingkjøttdeigen. Kna kjøttdeigen saman
med krydder og form små burgerar som du steiker i steikepanna.
Når dei er ferdigsteikte legg du dei på hamburgerbrøda
med ønska tilbehør på. Som dressing på burgeren
og søtpotetene brukte eg Tine ekstra lett rømme.
NAM! Velbekomme!