Kalorifattige favorittar Del 2: Middag

For ei stund sidan laga eg eit innlegg om
kalorifattige alternativ til frukost, lunsj, kvelds og mellommåltid.

Eg lova å laga eit innlegg om kalorifattige middagar også,
så her kjem dei :) Håpar det smakar!

Ovnsbakt tomatsuppe

(Til 4 personar)

TOTALT: 292 kcal per porsjon (436 g)

Skinkegrateng med purre

(Til 4 personar)

TOTALT: 364 kcal per porsjon (440 g)

Chili con Carne

(Til 4 personar)
400 g karbonadedeig

1 ss olivenolje

2 løk

2 raude paprika

1 boks tomater, hermetisk

2 dl mais, hermetisk (1 boks)
300 g kidneybønner

2 dl ferdiglaga buljong

1 laurbærblad

15 g chilipulver

1 fedd kvitløk

15 g salt og pepper

Brun kjøttdeigen og mos den slik at den blir kornete. Legg kjøtet i ei gryte.
Kutt løk, kvitløk og paprika i bitar og fres det i olja utan at det blir
brunt. Ha det over i gryta og tilsett tomat på boks, bønner og mais, buljong og
krydder. La gryta småkoke lenge, i minst ein halvtime, helst to timar. Ta ut
laurbærbladet før servering.

TOTALT: 263 kcal per porsjon (449 g)

Asiatisk laksegryte

(Til 4 personar)

500 g laksefilet

3 dl kokosmjølk, lett

2 ts raud currypasta

4 dl fiskebuljong (kraft)

2 ts Fish sauce

1 stk limeblad

1 stk sitrongras

1 bunt Pak choi (kåltype)
eller kinakål

1 stk aubergine (stor)

100 g aspargesbønner

1 g salt

2 blad basilikum, fersk

1 ts matolje

Kok ris som tilbehør. Surr karripastaen med litt olje i ein stor kjele.

Bank sitrongraset og skjér auberginen i bitar. Ha sitrongras, limeblad og
aubergine i gryta saman med kokosmjølk, fiskebuljongen og fiskesausen.

Kok opp, reduser varmen og la suppa koka i 10 minutt.

Skjér kålen i bitar, del aspargesbønnene og ha alt i kjelen.

Kok i ca 5 minutt. Smak til med salt.

Skjér laksefileten i terningar og ha i kjelen. La dei trekkja i 2-3 minutt.

Strø over basilikum eller koriander og server med kokt ris.

TOTALT: 445 kcal per porsjon (462 g)

Betasuppe i ein fei

(Til 4 personar)

TOTALT: 317 kcal per porsjon (559 g)

Kalorifattige favorittar Del 1

Sidan i haust har eg gått gjennom ei aldri så lita livsstilsendring.
Eg har gått ned i vekt og fått betre treningsvanar.
I denne prosessen saumfarte eg nettet for å finna
oppskrifter på mat som var sunn og kalorifattig.
Eg tenkte derfor å visa dykk mine favorittar
når det kjem til kalorifattige alternativ til måltid
som kan passa til frukost, lunsj, kvelds og som mellomåltid.

Knekkebrød med cottage cheese og strandaskinke

4 Rugsprø Havre (163 kcal)

4 ss Mager Cottage Cheese (47 kcal)
4 skiver Strandaskinke (67 kcal)

TOTALT: 277 kcal

Grove pannekaker

1 porsjon = Tre pannekaker
TOTALT: 293 kcal

Frukost i krukke

1 dl havregryn (128 kcal)

1 dl Styrk melk (39 kcal)

1 beger Dobbel 0% Vaniljeyoghurt (58 kcal)
20 g/4 ss frosne skogsbær (9 kcal)
Bland alt i eit syltetøyglas, legg skogsbæra på toppen før du
skrur på loket og set det i kjøleskapet natta over.
Frukost-to-go! (Idé og bilde lånt frå Bakekona)
TOTALT: 233 kcal 

Havregraut med eplesyltetøy

Kok opp
2 dl havregryn (256 kcal)

5 dl vatn
Ha på
3 ss Lerum Eple/Pære-syltetøy
utan tilsett sukker (29 kcal)
og
kanel på toppen
TOTALT: 285 kcal

Omelett

2 egg (156 kcal)
piska med 0,5 dl vatn
Ha i

1 tomat, i skiver (10 kcal)

2 skiver kokt skinke, strimla (27 kcal)

5 skiver purreløk (6 kcal)

Steik i panna med 1 ss olje (119 kcal)
TOTALT: 318 kcal

Mellommåltid
Eple (59 kcal)
Q Skyr Melonmani (137 kcal per beger)
Skyr Skogsbærkick med müsli (184 per beger)
Yoplait Dobbel 0 % Mango/fersken/pasjonsfrukt (53 kcal per beger)


Håpar du fann nokre gode tips her! Seinare tenkte eg å legga ut
kalorifattige middagsforslag :)
Er det noko du vil eg skal skriva meir om tar eg gjerne
imot tips i kommentarfeltet!

Minikyllingburger med søtpotetfries

Her er eit sunt og kalorifattig alternativ til helgekosen
- små kyllingburgerar med kesambrød og søtpotet-"fries"!
Nam :D

To små burgerar med brød, kyllingburger, tomatskiver, rødløk, salatblad og
ekstra lett rømme ligg på mellom 400 og 450 kaloriar.
Rundt fire søtpotetbåtar ligg på rundt 350 kaloriar,
så desse kan du jo evt. skippa viss du har eit veldig strengt kaloribudsjett.
Uansett veldig mykje mindre enn i vanleg pomfri! ;)

Til retten treng du ingrediensane til hamburgerbrøda (sjå ingrediensane under), éin pakke kyllingkjøttdeig, to-tre søtpoteter, salat, tomat, løk og evt andre ting du vil ha på burgeren.
Start med brøda:

Åtte små rundstykke/hamburgerbrød

110 gram Fibra fullkornskveitemjøl (Møllerens)
90 gram havregryn
1 ss bakepulver
250 gram mager kesam
30 gram lett plantemargarin

Sett omnen på 225 grader. Bruk gjerne kjøkenmaskin til å blanda deigen med,
så går det kjappare. Bland dei tørre ingrediensane. Tilsett smør og kesam, og bland
godt saman på høg hastigheit. Strø litt fullkornsmjøl utover kjøjenbenken, og kna
deigen nokre gonger før du deler den i åtte emne og lagar små bollar.
For å gjera dei ekstra lekre kan du pensla dei med litt egg og strø på
litt havregryn, før du steiker dei midt i omnen i 8-10 minutt til dei er gylne.

Når hamburgerbrøda er ferdige kan du gå over til søtpotet-"fries'ene".
Vask dei godt og skjér dei i båtar. Legg dei på eit steikebrett og
drypp litt olivenolje over før du krydrar dei godt.
Eg brukte kvitløkspulver, chilipulver, kayennepepper,
spisskummin, maldonsalt og grillkrydder, men ta det du likar.
Bak søtpotetene på 225 grader i ca 20 minutt,
eller til dei er møre når du stikk ein gaffel i dei.
Vil du ha dei litt sprø utanpå kan du prøva å setja dei høgare i omnen
og ha på grillelement nokre minutt.

Så lagar du burgerar av kyllingkjøttdeigen. Kna kjøttdeigen saman
med krydder og form små burgerar som du steiker i steikepanna.
Når dei er ferdigsteikte legg du dei på hamburgerbrøda
med ønska tilbehør på. Som dressing på burgeren
og søtpotetene brukte eg Tine ekstra lett rømme.
NAM! Velbekomme!

Kalorifattig helgekos: Fantastisk sjokoladefudge

I prosessen eg har hatt med vektnedgang (no har eg gått ned 10 kilo) har eg vore på leit etter kalorifattige alternativ til kosemat. I førre innlegg nemnte eg at Bakekona har fantastiske oppskrifter, men i januar/februar-utgåva av Det Nye fann eg også nokre fantastiske oppskrifter på heimelaga sjokoladesnop. Denne sjokoladefudgen er noko av det BESTE eg har smakt, og kvar rute/stykke har berre 142 kaloriar!! Du berre MÅ prøva den! :D
Nokre av ingrediensane verkar kanskje litt rare, men eg lovar deg at det er verdt det å prøva å få tak i dei! Oppskrift på mandelsmør finn du her, kjempeenkelt å laga!

Her er oppskrifta på glutenfri, laktosefri, vegan, raw food sjokoladefudge:
(ca 16 bitar)

2 1/2 dl dadlar, utan steinar

1 1/4 dl mandlar

3/4 valnøtter

3/4 dl mørkt kakaopulver
2 modne bananer

4 ss mandelsmør

3/4 dl mørkt kakaopulver

4 ss agavesirup (eller flytande honning)

1. La dadlane mjukna i ei skål med varmt vatn i ein halvtime, hell så av vatnet
og hakk dei i små bitar. Ha dadlar, mandlar, valnøtter og 3/4 dl kakaopulver
i ein food prosessor og køyr til det er godt blanda og blir ein slags "mase".

2. Ha aluminiumsfolie i ei 20 x 20 cm form, gjerne litt oppover kantane.
Press blandinga godt ned i forma med ei skei og dekk botnen.
3. Ha bananer, mandelsmør, den siste delen av kakaopulveret og agavesirupen i food prosessoren
og køyr til det er godt blanda og jamt. Fordel blandinga over botnlaget i forma og jamn det til.

4. Sett det heile i frysaren i 30 minutt før du løftar heile blandinga ut av forma og deler det i 16 bitar
med ein skarp kniv. Oppbevar bitane i frysaren.

(For english recipe, contact me :)